တကိုယ်တော်တိုက်ပွဲ

တိုက်ပွဲဆိုလို့ ကျွန်တော်ကစစ်သားလည်းမဟုတ်ပါ။ စစ်တိုက်ရတာလည်းမဟုတ်ပါ။ ကျွန်တော်က ဆောက်လုပ်ရေးမှာ စက်ပြင်ဆရာလုပ်တာပါ။ ကျွန်တော်တို့နေရတဲ့စခန်းက မြို့နဲ့ဆိုရင်တော့ တော်တော်ဝေးပါတယ်။ ၁ မိုင်မရှိတရှိလောက်မှာတော့ တော်တော်ကြီးတဲ့ရွာကြီးတစ်ရွာရှိပါတယ်။ အဝေးပြေးလမ်းမရဲ့ဘေးမှာရှိနေတဲ့အဲဒီရွာကတော်တော်စည်ပါတယ်။ အနီးအနားမှာရွာသေးသေးတွေလည်း ရှိပါတယ်။ ကျွန်တော်တို့ကတော့ ဆောက်လုပ်ရေးဝန်းလေးပေါ့။ နေရာက ကုန်းကျကျနေရာလေးပါ။ ဘေးတစ်ဖက်မှာတော့လယ်ကွင်းတွေ ၊ နောက်တစ်ဘက်ကတော့ ကတ္တရာလမ်း ၊ လမ်းကျော်ပြီးသွားရင်တော့ တောထဲကိုဝင်သွားလို့ရပါတယ်။ ရွာတွေနဲ့လဲဆက်နေတာပေါ့။ ကျွန်တော်တို့လူနေအိမ်တွေက လမ်းရဲ့ဒီဘက်ခြမ်းမှာ ၊ လမ်းရဲ့ဟိုဘက်ခြမ်းမှာမလှမ်းမကမ်းမှာတော့ Workshop ရှိပါတယ်။ ကားတွေ စက်တွေထားတဲ့နေရာ ၊ ကြံ့ခိုင်ရေးလုပ်တာ ၊ ပြင်တာဆင်တာ အားလုံး အဲဒီ Workshop မှာပဲလုပ်ပါတယ်။ ၀န်းအကျယ်ကြီးလိုပါပဲ။ ညနေ အလုပ်သိမ်းပြီဆိုရင်တော့ ကလေးတွေ စက်ဘီးစီးသင်ကြ ၊ စက်ဘီးပတ်ပြီးစီးကြလုပ်ပါတယ်။ ကတ္တရာလမ်းက အဝေးပြေး လမ်းဆိုတော့ အဝေးပြေးကားတွေနဲ့ရူတ်ပါတယ်။ အဲဒါကြောင့်ကလေးတွေရဲ့ စက်ဘီးစီးလေ့ကျင့်တဲ့နေရာက အဲဒီ Workshop ၀န်းကြီးပါ။ ကျွန်တော်တို့ရဲ့လူနေအိမ်တွေဝန်းကတော့ ၀န်းဆိုပြီးခြံစည်းရိုးပတ်လည်ကာထားတာမျိုးမဟုတ်ပါဘူး။ ဒါပေမယ့် အစည်းအတားမျိုး နယ်မြေသတ်မှတ်ချက်တော့ရှိပါတယ်။
အလုပ်သမားတွေအတွက် လိုင်းခန်းတွေဆောက်ပေးထားပါတယ်။ လိုင်းတစ်လိုင်းမှာ အခန်း ၁၀ ခန်းပါပါတယ်။ တစ်ခန်းကို ၁၀ ပေအကျယ် ၊ ပေ ၄၀ နီးပါးလောက်ရှည်ပါတယ်။ ထရံကာ ၊ သက်ကယ်မိုး ပြီးသစ်ရိုင်းခင်းထားတာမျိုးပါ။ မိသားစုနဲရင်တော့ အခန်းတစ်ခန်းပဲပေးပါတယ်။ မိသားစုများတယ် ကလေးများတဲ့သူတွေဆိုရင်တော့ ၂ ခန်းတွဲပေးပါတယ်။ ဒါတောင်တစ်ချို့ကတော့ ရှေ့တွေနောက်တွေမှာ အဖီလေးတွေထပ်ဆွဲပြီး အစဉ်ပြေသလိုနေကြပါတယ်။ လူပျိုတွေအတွက်တော့ လူပျိုလိုင်းသတ်သတ်ရှိပါတယ်။ ကျွန်တော်ကတော့လူပျိုဆိုတော့ လူပျိုလိုင်းမှာနေရပါတယ်။ အခန်းတွေကမိသားစုလိုင်းတွေလိုမကျယ်ပါဘူး။ ၁၀ပေပတ်လည်အခန်းတွေကို အလယ်မှာလူသွားလမ်းထားပြီး ဟိုဘက်ဒီဘက်မျက်နှာချင်းဆိုင် အခန်းတွေလုပ်ထားတာပါ။ ကျွန်တော်တို့လူပျိုတွေကတော့လူပျိုလိုင်းမှာနေ ၊ ထမင်းစားရင် canteen ရှိပါတယ်။ လခပေးပြီးစားရုံပါပဲ ၊ အပြင်ထက်လည်းသက်သာပါတယ်။ ထုံးစံအတိုင်းဟင်းကတော့ ပဲဟင်းများပါတယ်။ ကျွန်တော်တို့ကတော့နေ့လည်စာလောက်ပဲ canteen မှာဖြစ်သလိုစားပြီး ညနေစာဆိုရင်တော့ ရုံးကပြန် ရေမိုးချိုးပြီးတာနဲ့ အဲဒီတစ်မိုင်လောက်တောင်မဝေးတဲ့ရွာကြီးကိုချီတတ်ကြပါတယ်။ လမ်းလျှောက်ရင် နာရီဝက်လောက်တော့ကြာပါတယ်။ ဒါပေမယ့်လည်း တော်တော်များများကစက်ဘီးလေးတွေ အိမ်တိုင်းလိုလိုရှိကြပါတယ်။ တစ်ခုခုလိုရင်စက်ဘီးလေးနဲ့သွားပြီးဈေးဝယ်တာမျိုး ၊ ဆေးခန်းသွားရတာ ၊ လက်ဘက်ရည်ဆိုင်သွားထိုင်တာ ၊ ဗွီဒီယိုသွားကြည့်တာ ၊ အရက်သွားသောက်တာ စုံလို့ပါပဲ။ ကျွန်တော်တို့ဝန်းနဲ့ရွာနဲ့ကိုအနီးအနားကရွာတွေက ဆိုက်ကားလာနင်းတဲ့သူတွေရှိပါတယ်။ စက်ဘီးမစီးတတ်တဲ့သူတွေကတော့ဆိုက်ကားစီးပေါ့။၊ ဋ္ဌာနဆိုင်ရာကားတွေက လည်းသူ့အချိန်နဲ့သူ ၊ ဈေးကားဆိုတစ်ပတ်မှတစ်ခါ ဆိုတော့အားလုံးက ဆိုက်ကားတွေကိုလည်းအားကိုးနေရတာပါပဲ။ ကလေးရဲ့ကျောင်းကလည်းအဲဒီရွာကိုပဲသွားရပါတယ်။ တွဲဘက်အထက်တန်းကျောင်းပါ။ ကျွန်တော်တို့ဆီက ကလေးတွေကတော့ကျောင်းကား အကြို ၊ အပို့ရှိပါတယ်။
ကျွန်တော်တို့ဝန်းကနေအထွက် ရွာဘက်ကိုသွားတဲ့လမ်း (အဝေးပြေးလမ်းမပါပဲ) ဘုရားလေးတစ်ဆူရှိပါတယ်။ တောင်ကုန်းလေးပေါ်မှာပါ။ ထုံးဖြူသုတ်ထားတဲ့ဘုရားလေးပါ။ အုတ်လှေကားလေးနဲ့ဘုရားကုန်းတော်ပေါ်ကိုတတ်သွားရုံပါပဲ။ လှေကားရဲ့အရင်း ဘယ်ဘက်မှာတော့တော်တော်ကြီးတဲ့ မန်ကျည်းပင်တစ်ပင်ရှိပါတယ်။ ညနေဘက်ဆိုရင် ဘုရားပေါ်မှာလူစည်ပါတယ်။ ကျွန်တော်တို့ဝန်းထဲကတစ်ချို့တွေလည်း လမ်းလျှောက်ထွက်ကြရင်းဘုရားပေါ်တတ်တာမျိုးတွေရှိပါတယ်။ ဘုရားကုန်းရဲ့ဘေးလမ်းလေးအတိုင်းသွားရင်တော့ ဘုန်းကြီးကျောင်းရှိပါတယ်။ ကျွန်တော်တို့ရွာဘက်ကပြန်လာရင် အဲဒီနေရာကကုန်းဆိုတော့ စက်ဘီးနဲ့ဆိုရင်လည်း တော်တော်လျှာထွက်တဲ့နေရာပါ။ လမ်းလျှောက်ရင်လည်းတော်တော်မောပါတယ်။ အသွားကတော့ကုန်းဆင်းဆိုတော့ အေးအေးဆေးဆေးလိမ့်ဆင်းသွားရုံပါပဲ။ အပြန်ကျရင်တော့ စက်ဘီးနှစ်ယောက်စီးလာရင် နောက်ကတစ်ယောက်ကတော့ဆင်းပြီးလမ်းလျှောက်ပေတော့ပဲ။ ဆိုက်ကားသမားတွေကတော့ကုန်းထိပ်မရှိတရှိလောက်မှာဂိတ်လုပ်ထားလိုက်တယ်။ ဘုရားရဲ့ခြေရင်းနားလောက်မှာပါ။ သူတို့လည်းဘယ်အဆုံးထိတတ်နိုင်မလဲ။ ပြောစရာတစ်ခုရှိတာက အဲဒီကုန်းဆင်းမှာ မကြာခဏဆိုသလိုစက်ဘီးမှောက်ကြတာပါပဲ။ တစ်ယောက်ဆိုတော်တော် ဒဏ်ရာပျင်းပြီးမသေရုံတမယ်ကိုဖြစ်ဘူးပါတယ်။ တစ်ချို့ကတော့ဒီနေရာက မသန့်ဘူး ၊ အဲဒီမန်ကျည်းပင်မှာသရဲရှိတယ် ၊ အဲဒါလူလဲချင်လို့ ...အမျိုးမျိုးပြောကြပါတယ်။ ကျွန်တော်ကတော့ အဲဒါတွေသိပ်ပြီးမယုံပါ။ ကိုယ့်ဘာသာကိုယ်အရှိန်မထိန်းနိုင်လို့ဖြစ်ရတာပဲ။ သရဲရှိတယ်ပြောရအောင် တစ်ခါမှလည်းမမြင်ဘူးပါ။ ညဘက်တွေလည်း ဒီလမ်းမှာကျွန်တော်တို့ကသွားလာနေတာပဲလေ။ ရှိရင်တော့နဲနဲပါးပါးသိရမှာပေါ့ ဘာညာတွေ တောင်ပြောဖြစ်ပါသေးတယ်။ အဲဒီနေ့ကတော့ကျွန်တော်နဲ့နောက်တစ်ယောက် သူ့ကိုကျွန်တော်တို့ကအရှည်ကြီးလို့ခေါ်ပါတယ်။ အရပ်တော်တော်ရှည်လို့ပါ။ ကျွန်တော်နဲ့အရှည်ကြီးနှစ်ယောက် ရွာကိုထမင်းသွားစားကြပါတယ်။ စားပြီးတော့လည်းထုံးစံအတိုင်းနဲနဲပါးပါးသောက်လိုက်သေးတယ်။ ဒါလည်းမပြောပလောက်ပါ။ ဒီလောက်သောက်တာတော့ကျွန်တော်တို့ကရိုးတိုးရိတ်တိတ်တောင်မဖြစ်ပါဘူး။ အဲဒါနဲ့ပြန်မယ်ဆိုတော့ အရှည်ကြီးက ပြန်ရမှာပျင်းတယ်။ လိုင်းထဲရောက်လည်း ဖဲချရင်ချ ၊ ဂစ်တာတီးရင်တီး ၊ အိပ်ရင်အိပ် ဆိုတော့ ဗွီဒီယိုကြည့်မယ်လို့ပြောပါတယ်။ ကျွန်တော်ကလည်းပျင်းတော့ အိုကေကြည့်မယ်ဆိုပြီးသဘောတူလိုက်ပါတယ်။ ဗွီဒီယိုက တရုတ်သိုင်းကားပါ နှစ်ခွေတွဲဆိုတော့ တော်တော်ညည့်နက်မှပြီးမှာပါ။ အရှည်ကြီးက ဘာဖြစ်လဲကွာ ၊ အပြန်ကျရင် လမ်းလျှောက်ပြန်မယ် အေးဆေးပေါ့လို့ပြောပါတယ်။ ဆိုက်ကားကအဲဒီအချိန်ဆိုမရှိတော့ပါဘူး။ ညဆို ၁၁ နာရီကျော်လောက်ထိတော့ရှိပါတယ်။ ကျွန်တော်တို့ပြန်မယ့်အချိန်က ည ၁နာရီကျော် ၊၂ နာရီလောက်ဆိုတော့ လမ်းလျှောက်ရုံကလွဲလို့တခြားနည်းလမ်းမရှိပါဘူး။
ဒါလည်းပြဿနာတော့မဟုတ်ပါ။ ဗွီဒီယိုပြီးတော့ ကျွန်တော်တိုနှစ်ယောက်စကားတစ်ပြောပြောနဲ့လမ်းလျှောက်လာပါတယ်။ ဗွီဒီယိုထဲကအကြောင်းတွေလည်းပါတာပေါ့။ ကျွန်တော်တို့ဆီကို ရောက်ခါနီးမှာလမ်းဆုံလေးတစ်ခုရှိပါတယ်။ အဲဒီလမ်းဆုံရောက်ရင် ဘုရားနဲ့မန်းကျည်းပင်ကိုလှမ်းမြင်နေရပါပြီ။ အဲဒီမန်းကျည်းပင်ကိုဖြတ်ပြီးနဲနဲသွားလိုက်တာနဲ့ကျွန်တော်တို့ဝန်းပါ။ လမ်းဆုံကျော်နားလောက်ရောက်တော့ အရှည်ကြီးကငါအပေါ့သွာအုံးမယ်လို့ပြောပါတယ်။ ညဘက်လည်းဖြစ် လမ်းပေါ်မှာလည်းကျွန်တော်တို့နှစ်ယောက်ကလွဲလို့ဘယ်သူမှ မရှိတော့အေးဆေးပါပဲ။ သူလည်းသူ့က်ိစ္စသူလုပ် ၊ ကျွန်တော်ကတော့ဘာမှ မပြောပဲဆက်လျှောက်လာပါတယ်။ ရောက်လည်းရောက်တော့မှာဆိုတော့ သီချင်းလေးတောင်ညည်းလိုက်သေးတယ်။ အရှည်ကြီးကတော့ကျွန်တော်နောက်က၀ါးနှစ်ရိုက်လောက်အကွာမှာပါ။ အဲလိုနဲ့မန်ကျည်းပင်နားကိုရောက်လာတယ်။ ကျွန်တော်တစ်ချက်ကြက်သိမ်းထသွားတယ် ဘာကြောင့်လည်းတော့မသိ ရုတ်တရက်မန်းကျည်းပင်ဘက်ကိုကြည့်မိရက်သား ၊ ကိုယ့်မျက်စိကိုယ်တောင်မယုံနိုင်အောင်ပဲ ၊ အဲဒီအပင်ပေါ်ကနေ ဖြူဖြူအရာတစ်ခု တလိမ့်လိမ့်နဲ့ဆင်းလာတာ ၊ ချက်ချင်းကျွန်တော့ရှေ့တည့်တည့်ကိုရောက်လာတာ။ ကျွန်တော်လှမ်းမြင်တာ သိပ်မကြီးပါ။ ကျွန်တော့ရှေ့ရောက်လာတဲ့အကောင်ကကျွန်တော့ထက်သုံးစလောက်ရှိတယ် ဖြူဖြူရှည်ရှည်.. လူမဟုတ်တာတော့သေချာတယ်။ ဒါဆိုဘာလဲသူများတွေပြောနေတဲ့ သရဲ လား။ ကျွန်တော့ရှေ့မှာပိတ်ရက်နေတယ်။ ဘာလုပ်ရမလဲ ကျွန်တော်စဉ်းစားလို့မရပါ။ တော်တော်လည်းကြောက်လာတယ်။ ဘာမှမပြောတော့ပဲအဲဒီကျွန်တော့ရှေ့ကအရာကြီးကို ကျွန်တော်လက်သီးနဲ့အသားကုန်ထိုးပါတယ်။ ဖွဲအိတ်ကြီးကိုထိုးနေရသလိုပါပဲ။ သူကတော့ဘာမှဖြစ်တယ်မထင်ပါ။ ကျွန်တော်မှာသာမောလည်းမော ၊ ဇောချွေးတွေလည်းပြန်လာပါတယ်။ နောက်ကအရှည်ကြီးရော ဘယ်ရောက်နေပြီလဲမသိပါ။ ကျွန်တော်မှာသာခြေကုန်လက်ပန်းကျ။ ကံကောင်းတာက သူကျွန်တော့ကိုဘာမှပြန်မလုပ်တာပဲ။ ကျွန်တော်သူ့ကိုရှောင်သွားလို့လဲမရပါ။ သူကကျွန်တော့်ကိုပိတ်ပြီးရပ်နေတာ။ ကျွန်တော် အားပိုစိုက်ပြီးဆက်ထိုးတယ်။ ခဏနေတော့သူကခပ်သွက်သွက်လေးကျွန်တော့ရှေ့ကနေထွက်သွားတယ်။ ကျွန်တော့ကိုကြောက်သွားတာနေမှာပေ့ါလို့ကျွန်တော်ထင်တယ်။ တော်တော်လည်းနာနေလောက်ပြီ။ သူ့ကိုကျွန်တော်လုံးဝဂရုမစိုက်တော့ပဲ တရှိန်ထိုးထွက်ပြေးပါတယ်။ သူကနောက်ကနေလိုက်လာမလာတော့မသိ ၊ ကျွန်တော်ကတော့ကျွန်တော်တို့ဝန်းထဲထိဘယ်လိုရောက်လာမှန်းတောင်မသိလိုက်ပါဘူး။ ၀န်းထဲရောက်မှကျွန်တော်ရပ်လိုက်တယ် ၊ ကိုယ့်နေရာရောက်ပြီဆိုတော့နဲနဲစိတ်ထဲမှာလည်းသက်သာသွားတယ်။ ကျွန်တော့နောက်ကနေပြေးလိုက်လာတာက အရှည်ကြီးပါ။ သူလည်းတော်တော်မောနေတယ်။ ကျွန်တော်ကတော့ပြောဖွယ်ရာမရှိ။ စကားတောင်မပြောနိုင်ဘူး။ ဟောဟဲဖြစ်နေတယ်။ အရှည်ကြီးကကျွန်တော်ကိုမှီတာနဲ့ သိုင်းကားကြည့်လာပြီးလမ်းမမှာသိုင်းလေ့ကျင့်နေတယ်လို့ပြောပါတယ်။ နောက်သူလည်းအနားရောက်ရော သူ့ကိုမစောင့်ပဲရှေ့ကနေဘာကြောင့်ပြေးတာလဲ ၊ သူကတော့နောက်ကနေကျွန်တော့အဖြစ်ကိုမသိရှာပဲရီပြီးလိုက်လာတာ ၊ ကျွန်တော့နားကိုသူရောက်တဲ့အချိန်မှာပဲ ဟိုအဖြူကောင်ကလစ်သွားလို့ကျွန်တော်ကကျုံးရုံးပြေးတော့ အရှည်ကြီးခမျာမှာလည်းဘုမသိ ဘမသိနဲ့ကျွန်တော့ကိုမှီအောင်ပြေးလိုက်လာရရှာတာ။ ကျွန်တော်ခုမှနောက်ကိုပြန်လှည့်ကြည့်လိုက်တော့ အဖြူကောင်ကမန်ကျည်းပင်ပေါ်ပြန်တတ်သွားပြီးပျောက်သွားတယ်။ အရှည်ကြီးကကျွန်တော်ပြောပြလိုက်မှ အဖြစ်မှန်ကိုသိပြီးသူလည်းကြောက် ကျွန်တော်လည်းကြောက်ပြီး နှစ်ယောက်သားလိုင်းခန်းဆီကိုဒုံးစိုင်းပြီးအပြေးတစ်ပိုင်းနဲ့ ရောက်ခဲ့ရပါတော့တယ်....

မမြင်နိုင်တဲ့အရာ

သူက ကျွန်မတို့မဖိတ်ပဲရောက်ရောက်လာတဲ့ဧည့်သည်လည်းဖြစ်တယ်။ သူ့ကိုဘယ်သူကမှမခေါ်ပဲသူလာတတ်တယ်။ ကျွန်မတို့မထင်မှတ်တဲ့အချိန်မှာလည်းသူလာတယ်။
သူ့ကို ဘယ်သူကမှလည်းမလာစေချင်ဘူး။ သူလာတာလဲဘယ်သူမှမကြိုက်ဘူး။ ဒါပေမယ့်သူကတော့ဘယ်သူ့ကိုမှဂရုမစိုက်ဘူး။ သူလာရမဲ့နေရာကို လာမြဲလာနေတာပဲ။
တစ်ခါတစ်လေတော့လည်းသူလာတော့မှာလားလို့မှန်းဆကြည့်လို့ရတဲ့ အချိန်မျိုးလည်းရှိတတ်ပါသေးတယ်။ အဲဒါဆိုရင်တော့ကျွန်မတို့ကြိုပြီးဝမ်းနည်းရတာပေါ့။

တစ်ရက်မှာတော့ ကျွန်မတို့အိမ်ကိုသူရောက်လာတယ်။
ကျွန်မ ငယ်ငယ်တုံးကပေါ့။ ကျွန်မစိတ်ထင် ကျွန်မ ရှစ်နှစ် ကိုးနှစ်လောက်မှာပါ။ သူလာတာကို ကျွန်မတို့တစ်အိမ်လုံး ဘယ်သူမှ မသိလိုက်ဘူး။
အဲဒါနဲ့သူ ကျွန်မ အဖိုး(ကျွန်မအမေရဲ့အဖေ) ကို ခေါ်သွားတယ်။ အဲဒီတုံးက ကျွန်မဘာမှသိပ်မသိသေးပါဘူး။ ဒါပေမယ့် ကျွန်မ ၀မ်းနည်းပြီးတော့ငိုခဲ့တယ်။
လူကြီးတွေလည်းစိတ်မကောင်းကြဘူး။ မေမေ ကတော့တော်တော်လေးစိတ်ထိခိုက်ခဲ့တယ်။
ကျွန်မနဲ့သိတဲ့သူတွေထဲကလည်း သူကဟိုလူကိုလည်းခေါ်သွားပြန်ပြီ...ဘယ်သူ့ကိုလည်းခေါ်သွားပြန်ပြီ။ ဆွေမျိုးတွေထဲကလည်းပါသွားပြန်ပြီ။
မကြာခဏကြားနေရပါတယ်။ သူကတစ်ခါတစ်လေတော့လည်း ငယ်ငယ်ရွယ်ရွယ်လူတွေကို ခေါ်ချင်လည်းခေါ်ရဲ့ ၊ အသက်ကြီးတဲ့သူတွေကိုခေါ်ချင်လည်းခေါ်ရဲ့။
သူ့ကိုမှန်းဆလို့မရပါဘူး။ ကျွန်မနဲ့မသိတဲ့သူတွေကိုလည်းခေါ်နေတာပဲ။ ကျွန်မသူငယ်ချင်းတွေရဲ့အသိတွေ ၊ ဆွေမျိုးသားချင်းတွေ ၊ သူငယ်ချင်းတွေ ကိုလဲခေါ်တယ်။
လူမျိုးမရွေး ၊ ဘာသာမရွေး ၊ အသက်ကြီးကြီးငယ်ငယ် သူခေါ်ချင်တဲ့သူတွေကိုခေါ်နေတာပါပဲ။

ကျွန်မ တို့အားလုံး သူ့ကိုမမြင်နိုင်ဘူး။ ဒါပေမယ့် သူက ကျွန်မတို့အနီးအနားမှာပဲရှိနေပါတယ်။ ကျွန်မတို့အားလုံးကိုသူကအချိန်မရွေး ခေါ်ဆောင်သွားနိုင်တယ်။
ဘယ်သူ့ကိုဘယ်အချိန်မှာဘယ်လိုပုံစံမျိုးနဲ့ခေါ်မှာလည်း ဆိုတာတော့ ကျွန်မတို့ဘယ်သူမှ ကြိုတင် မသိနိုင်ပါဘူး။
အားလုံးကတော့ သူခေါ်မယ့်အချိန်ကိုစောင့်နေကြတယ်။ သူကတစ်ချိန်ချိန်တော့ခေါ်မှာပါပဲ။ ခေါ်မှာလည်းသေချာပါတယ်။
အချိန်တန်ရင်တော့ သူခေါ်ရာနောက်ကို ကျွန်မတို့အားလုံး လိုက်ကြရမှာပါပဲ...ဘယ်သူမှငြင်းလို့မရပါဘူး။
သူမခေါ်ခင်ကျွန်မတို့ဘာတွေလုပ်ထားမလဲ ဘာတွေကြိုတင်ပြင်ဆင်ထားမလဲဆိုတာကတော့....

Priority Seat

ကျွန်မ စိတ်ထဲကတွက်ကြည့်နေမ်ိတယ်။ ဒီအချိန်ထိရထားပေါ်ကိုမရောက်သေးဘူးဆိုတော့ ဒီနေ့တော့ရုံးကို ၅မိနစ် ကျော်ကျော်လောက်နောက်ကျပြီးမှရောက်တော့မှာသေချာနေပြီ။ တနင်္လာနေ့ ဆိုတော့ စနေ ၊ တနင်္ဂနွေ ရဲ့နောက်ကျမှ အိပ်ရာကထတဲ့ အကျင့်ကပါနေတော့ ဒီနေ့လည်း အိပ်ရာကချက်ချင်းထမရဘဲ ပြန်နှပ်နေလိုက်တာ အခုတော့.... ရုံးရောက်တာနဲ့ ၉နာရီမထိုးခင်ထဲက Meeting ခန်းထဲမှာထိုင်စောင့်နေမယ့် Boss မျက်နှာကြီးကိုမြင်ယောင်မိပြီးစိတ်ပျက်သွားတယ်။ ပုံမှန်တခြားနေ့တွေမှာ ရုံးနောက်ကျရင် သိပ်ပြဿနာမရှိပေမယ့် တနင်္လာနေ့ ဆိုရင်တော့ အစည်းအဝေးခန်းထဲမှာ အခြားလူတွေရဲ့ရှေ့မှာ နောက်ကျပြီးမှဝင်သွားရတာ... အထူးသဖြင့်တော့ Boss လှမ်းကြည့်လိုက်မယ့် နောက်ကျတယ်ဆိုတဲ့ အကြည့်မျိုးကို ရင်မဆိုင်ချင်ပါ။ ဘာမှနှုတ်ကမပြောပေမယ့် တစ်ခါတစ်လေကျတော့လည်း ပြောလိုက်မှ နဲနဲဖြေရှင်းလို့ ရနိုင်သေးတယ်မဟုတ်လား။ ဒီအချိန်ဆို ရထားကလည်းရုံးချိန်မို့ ကြပ်တတ်တာနဲ့တော့ အခန့်မသင့်ရင် ဒီရထားပေါ်တတ်မရရင်နောက်တစ်စီးထပ်စောင့်ရမှဖြင့်.... နဲနဲစိတ်ထဲလေးလာသလိုပဲ။ ဘေးဘီကိုကြည့်လိုက်တော့ ကိုယ်လိုပဲအားလုံးက ရုံးကိုအချန်မှီရောက်ဖို့ စိတ်စောနေကြတဲ့ လူတွေပဲထင်ပါတယ်။ နာရီတကြည့်ကြည့်နဲ့ ရထားကိုမျှော်နေကြတယ်။ ကျွန်မခုမှသတိထားမိတယ် ကျွန်မနဲ့သိပ်အသက်မကွာလောက်မယ့် ကိုယ်ဝန်သည်မိန်းမတစ်ယောက်ကကျွန်မရှေ့နားလောက်မှာ သူလည်းရထားစောင့်နေတာပဲ။ ကျွန်မ သူ့ကိုကြည့်ပြီး စဉ်းစားမိတယ်... သူ့ကိုယ်ဝန်က ဘယ်နှစ်လလောက်ဖြစ်မလဲတော့ ကျွန်မ မသိပါ... တော်တော်တော့ပူနေတာသိသာပါတယ် သြော် သူ့လည်းမသွားမဖြစ်လို့သွားရတာနေမှာပေါ့ ရုံးပဲသွားတာဖြစ်နိုင်ပါတယ် မဟုတ်ရင်တော့ ဒီလို ရထားကြပ်တဲ့အချိန်မျိုးဘယ်သွားမလဲ... ကိုယ်နဲ့ဘာမှ မဆီမဆိုင်... ကျွန်မ လျှောက်စဉ်းစားနေမိတယ်။ ရထားလာတော့ သူကကျွန်မရှေ့ကတတ်ပါတယ်။ ကျွန်မထင်တဲ့အတိုင်း ရထားကနဲနဲကြပ်ကြပ်ညက်ညက်လေးဖြစ်နေပါတယ်။ ဒါပေမယ့် ရထားပေါ်ရောက်သွားလို့ပဲ ကျေးဇူးတင်နေရသေးတယ်။
နောက်တစ်ဘူတာလောက်ကျတော့ နဲနဲအထဲကို ဝင်လို့ရသွားတယ်။ ဟိုကိုယ်ဝန်သည်အမျိုးသမီးလည်းအထဲကိုလိုက်ဝင်တယ်။ သူ့ကိုကြည့်ရတာက မသက်မသာ.. ဘယ်သက်သာနိုင်မလဲ။ ဒီလောက်လူတွေကြားထဲမှာ လက်တစ်ဖက်က တန်းကိုကိုင်ထားတယ်။ နောက်လက်တစ်ဖက်က သူမရဲ့ဗိုက်ကြီးကို မ ထားတယ်။ ကျွန်မ သက်ပြင်းချမိပြန်ရော။ တကယ်တော့ ရထားတွဲတိုင်းမှာ Priority Seat ဆိုပြီးရှိပါတယ်။ Reserved ဆိုပြီးလည်းရေးထားပါတယ်။ ပုံလည်းဆွဲပြီးပြထားတယ် ကိုယ်ဝန်သည်ပုံ ၊ အသက်ကြီးတဲ့လူကြီးပုံ ၊ ကလေးအမေပုံ ၊ မသန်မစွမ်းလူပုံ ဒါလူတွေအတွက် Priority ထားပေးရမယ့်ခုံတွေပါ။ ဒီလိုလူတွေလာရင် ဒီနေရာကို ထ ပေးပါ ဆိုတဲ့ စာလည်းရေးထားပါတယ်။ ဝင်ဝင်ချင်းတံခါးရဲ့ ဟိုဘက်ဒီဘက် များသောအားဖြင့် နှစ်ဖက်စလုံးမှာ လေးခုံရှိပါတယ်။ သူမရပ်နေတဲ့နေရာမှာတော့ လူကြပ်နေတာကြောင့် ဖြစ်နိုင်ချေရှိတဲ့ Priority Seat ကတစ်ခုံပဲရှိနေပါတယ်။ ဒါပေမယ့် Priority Seat မဟုတ်ပဲ တခြားခုံကလူတွေလည်း သူမကို နေရာလေးပေးသင့်တယ်လို့ ကျွန်မထင်တယ်လေ။
စိတ်ဝင်တစားနဲ့ Priority Seat ကိုကြည့်လိုက်တော့ ထိုင်နေတာ သန်သန်မာမာယောင်္ကျားတစ်ယောက်ပါ။ နံရံကိုမှီပြီးအသေအချာကိုအိပ်နေတာ။ သူ့ဘေးမှာ သူ့ရဲ့ကောင်မလေး ဒါမှမဟုတ်မိန်းမဖြစ်ဟန်တူသော မိန်းကလေးကသူ့ကိုမှီပြီးအိပ်ပျော်နေပြန်ရော။ အော် လူတွေ ဘယ်နှယ့် Priority Seat မှာထိုင်ပြီးများ ကိုယ့်အိမ်ကိုယ်ယာလိုပဲ အိပ်နေကြတာ။ ကိုယ်ဝန်သည်လာလဲ ထပေးရကောင်းမှန်းမသိ ၊ အသက်အရွယ်ကြီးတဲ့ အဖိုးကြီး အဖွားကြီးလည်း နေရာပေးရမှန်းမသိ ကျွန်မစိတ်ထဲ ကြိတ်ပြီးပြောမိတယ်။ တကယ်တော့ ဒီထိုင်ခုံမှာထိုင်တဲ့သူတော်တော်များများ ကအိပ်နေကြတာများပါတယ်။ တမင်ကို နေရာဖယ်ပေးရမှာစိုးတာကြောင့် အိပ်ချင်ချင် မအိပ်ချင်ချင် အိပ်ချင်ယောင်ပဲ ဆောင်နေလိုက်တာဖြစ်နိုင်ပါတယ်။သူ့တို့နှစ်ယောက်ရဲ့ဘေးမှာတော့ အသက်နဲနဲကြီးတဲ့အဖွားကြီးထိုင်နေတယ်။ ဒါတော့ ခွင့်လွှတ်ရမယ် သူလည်းဒီအချိန်မှာထိုင်နေမှပိုအစဉ်ပြေမှာ။
နောက်တစ်ယောက်ဆက်ကြည့်လိုက်တယ် ကောင်လေးတစ်ယောက်ပါ... သူကတော့ သူ့ရဲ့ Laptop ကိုဖွင့်ပြီး ဘာတွေ အလုပ်ရူတ်နေတယ်မသိပါဘူး။ ဒီအမျိုးသမီးကို မမြင်ပဲ မမြင်တာလား ဒါမှမဟုတ် မမြင်ချင်ယောင်ဆောင်ပြီးပဲ သူ့ရဲ့ကွန်ပျူတာ screen ကိုသာသဲကြီးမဲကြီးကြည့်နေတာလား ကျွန်မ မခန့်မှန်းတတ်ပါ။
နောက်တစ်ယောက်ဆက်ကြည့်မိတယ်။ ဒီတစ်ယောက်နေရာလောက်ကတော့ နဲနဲတော့ဝေးနေပါပြီ ဒါပေမယ့်နေရာထပေးမယ်ဆိုရင်တော့ လူတွေကိုနဲနဲတိုးပြီးဝင်သွားနိုင်လောက်တဲ့အနေအထားမျိုးပါ။ ကောင်မလေးတစ်ယောက်ပါ။ သူ့ရဲ့ပေါင်ပေါ်မှာ မိန်းမကိုင်အိတ် ခပ်ကြီးကြီးတစ်လုံး ၊ အိတ်ပေါ်မှာတော့ မိတ်ကပ်ဘူး လို့ထင်ရတဲ့ဘူးမျိုးနှစ်ဘူး ၊ နောက်သေးသေးဘူးလေးတွေရော ၊ နောက်ခပ်သေးသေးအိတ်ကလေးတစ်လုံး။ သူမရဲ့လက်တစ်ဖက်ကမှန်ကိုကိုင်ပြီး နောက်တစ်ဖက်ကတော့ မျက်လုံးကိုတစ်စုံတစ်ခုနဲ့ချယ်သနေတာ။ ကျွန်မသဘောပေါက်လိုက်ပါတယ်။ ကြည့်ရတာ အိမ်ကနေမျက်နှာပဲသစ်လာပြီး ရထားပေါ်ရောက်မှ အသေအချာကို အလှပြင်နေတဲ့ပုံပါပဲ။ သူကမှန်ကိုကြည့်လိုက် အိတ်သေးသေးလေးထဲက ပစ္စည်းတစ်ခုချင်းစီကိုထုတ်လိုက် မျက်နှာကိုချယ်လိုက် အိတ်သေးလေးထဲပြန်ထည့်လိုက် တစ်ခါအိတ်ကြီးကိုဖွင့်လိုက် လုပ်နေတာ။ ဘေးမှာလူတွေရှိနေတယ်လို့တောင်ထင်ပုံမရပါဘူး။ သူ့ဘေးက ကွန်ပျူတာကြည့်နေတဲ့ကောင်လေးတော့ဘယ်လိုနည်းနဲ့များသူ့ရဲ့ကွန်ပျူတာထဲအာရုံစိုက်နေလဲ မပြောတတ်ပါ။ ကျွန်မ အဝေးကကြည့်ရတာတောင်သူ့ကြည့်ပြီး စိတ်ရူတ်နေတာ။
သူ့ဘေးကနောက်တစ်ယောက်... လူကြီးတစ်ယောက် သတင်းစာဖတ်နေတာပါ။ ဒါပေမယ့် သူ့ပုံစံကသတင်းစာဖတ်နေတာနဲ့ မတူပဲ သူ့မျက်နှာကိုတခြားသူတွေမမြင်နိုင်အောင် ကာထားတာလား ၊ တလောကလုံးကိုမကြည့်ချင်လောက်အောင်မုန်းနေတာလား ဒါမှမဟုတ်ဘေးက ကောင်မလေးကိုစိတ်ပျက်နေတာလားမသိပါ။
ကဲနောက်ဆုံးတစ်ယောက် အစွန်ဆုံးဆိုတော့ Priority Seat ပါပဲ။ ကောင်မလေးတစ်ယောက်ပါ။ သူရောဘာလုပ်နေလဲ.....ဘေးကသတင်းစာဖတ်တဲ့လူနဲ့ကွယ်နေတာကြောင့် ကျွန်မချက်ချင်းမမြင်ရသေးပါ။ ဒီလူသတင်းစာနောက်တစ်ရွက်လှန်လိုက်တဲ့ အချိန်မှာတော့ အိုး.... ကျွန်မထင်တာမလွဲပါ သူလည်းအိပ်နေတာပါပဲလား......
ဒီရထားပေါ်မှာ ဘယ်သူမှ တစ်နာရီထက်ပိုကြာအောင်စီးရတဲ့သူမရှိပါ။ ပုံမှန်လူတစ်ယောက်က ဒီတစ်နာရီလောက် မတ်တပ်ရပ်လိုက်ရတာလဲ ဘာမှဖြစ်မသွားပါ။ လူလူချင်းစာနာစိတ်ထားပြီး တကယ်ကိုလိုအပ်နေတဲ့ လူတွေအတွက်ကိုယ်ရထားတဲ့ထိုင်ခုံနေရာလေးကို ပေးပြီးကုသိုလ်ယူတတ်မယ်ဆိုရင်ဖြင့်.......

သူငယ်ချင်းလေးပါပဲ

ကျွန်မ ကွန်ပျူတာကိုဖွင့်ပြီး Online ၀င်လိုက်တယ်။ ဒီအချိန်ဆို သူရှိနေရမယ့်အချိန်ပဲ။ ဒါပေမယ့် သူ့ကိုမတွေ့ရဘူး။ သူ့ကို Online မှာ
မတွေ့ဖြစ်တာ တော်တော်ကြာနေပြီ။ ညက ကျွန်မ သူ့ကိုအိပ်မက်မက်ခဲ့တဲ့
အိပ်မက်ကလည်း မကောင်းတော့ ကျွန်မပိုပြီး စိတ်ပူနေမိတယ်။ အလုပ်ရူတ်နေလို့ Online မ၀င်နိုင်တာပဲဖြစ်ပါစေလို့ ကျွန်မဆုတောင်းနေမိပါသေးတယ်။
တကယ်ဆိုကျွန်မသူ့ကို စိတ်ပူနေဖို့မကောင်းပါ။ သူ့အတွက် ကျွန်မကခုလိုဖြစ်မနေသင့်တော့ပါ။ သူနဲ့ကျွန်မရဲ့လက်ရှိ အခြေအနေကိုကျွန်မ မသိတာမဟုတ်။
သူကိုယ်တိုင်ကလဲ ၀န်ခံပြီးသားဖြစ် ကျွန်မကိုယ်တိုင်ကလဲ သိပြီးသားဖြစ်တဲ့ ဒီအခြေအနေကို ကျွန်မ ပြောင်းလဲဖို့မကြိုးစားပါဘူး။ ကျွန်မရဲ့စိတ်ကိုပဲပြောင်းလဲဖို့ကြိုးစားမှာပါ ဒါပေမယ့်လည်း ဘယ်လိုမှ ချက်ချင်း မဖြစ်နိုင်ဘူးဆိုတာ ကျွန်မသိပါတယ်။

သူနဲ့ကျွန်မအလုပ်တစ်ခုမှာတူတူလုပ်ခဲ့ဘူးတယ် ၊ မရေတွက်နိုင်တဲ့ အမှတ်တရတွေလည်းအများကြီးပါ။ သူနဲ့ကျွန်မကို အားလုံးကချစ်သူတွေလို့ထင်ကြပေမယ့် တကယ်တမ်းမှာတော့ ကျွန်မရဲ့ မပြတ်သားတဲ့စိတ်တွေ ပျော့ညံ့တဲ့စိတ်တွေ ကြောင့်တိကျတဲ့အဖြေတစ်ခုကိုကျွန်မ မပေးနိုင်ခဲ့ဘူး။ သူနိုင်ငံခြားသွားတော့မယ်လို့ဖွင့်ပြောတဲ့အချိန် ကျွန်မရဲ့အချစ်ကို သူတောင်းခဲ့တဲ့အချိန် ၊ အဲဒါတွေကိုကျွန်မခုချိန်ထိမှတ်မိနေတုန်းပါပဲ။
သူ့ဆီကအဆက်မပြတ် စာတွေ အီးမေးတွေ ရပေမယ့် ကျွန်မဘက်ကတော့ အင်တာနက်ကိုရုံးမှာပဲသုံးဖြစ်တာ ၊ တစ်ခါတစ်လေလည်း အလုပ်ရူတ်နေလို့စာမပြန်နိုင်တာတွေလည်းရှိပါတယ်။
သူထွက်သွားပြီးသိပ်မကြာခင်မှာပဲ သူနဲ့မတူတဲ့နိုင်ငံတစ်ခုမှာ ကျွန်မလည်းကျောင်းတတ်ဖို့အခွင့်အရေးတစ်ခု မမျှော်လင့်ပဲရလာခဲ့တယ်။ သူကကျွန်မထက်တောင် ပိုပြီးတော့ဝမ်းသာနေခဲ့တာပဲ။
ဒါပေမယ့် ဒါဟာသူနဲ့ကျွန်မကိုဝေးသွားစေမဲ့ အကြောင်းတစ်ခုလို့တော့ကျွန်မလုံးဝမသိခဲ့ပါဘူး။ ကျောင်းစာတွေကခက် ၊ သူများနိုင်ငံမှာစကားပြောရတာကအစ အဆင်မပြေ ၊ မိသားစုနဲ့ခွဲနေရတဲ့ ဒုက္ခ ၊ Assignment တွေ Exam တွေကြားထဲမှာ ကျွန်မသူ့ကိုအရေးမစိုက်နိုင်တော့ပါဘူး။ တစ်ခါတလေ သူ့ဆီက အီးမေးတွေကိုတောင် ကျွန်မကုန်အောင်မဖတ်နိုင်တော့ပါဘူး။ သူဆက်တဲ့ ဖုံးတွေကိုလည်းကျွန်မရဲ့ Stress တွေနဲ့ရောပြီး အော်ငေါက်ပစ်ခဲ့တာ ဖုံးကိုလုံးဝမကိုင်နိုင်ခဲ့တာလည်းအကြိမ်ကြိမ်ပါပဲ။ Online မှာလည်းသူက chat ဖို့ကြိုးစားပေမယ့် ကျွန်မ သူ့ ကိုပြန်ပြီး chat ဖို့အချိန်မရခဲ့တာ။
ကျောင်းပြီးတော့လည်း အလုပ်တစ်ခုရဖို့အရေး အလုပ်မှာနေသားတကျဖြစ်ဖို့အရေး အစဉ်ပြေဖို့ အရေး...အရေးပေါင်းများစွာနဲ့ ကျွန်မ ဂျင်ဂျင်လည်ခဲ့တာ။
သူအပါအ၀င် ကျွန်မရဲ့ သူငယ်ချင်းတွေနဲ့ရော လောကကြီးနဲ့ပါ တော်တော်လေး အဆက်ပြတ်သွားခဲ့တာ။
ကျွန်မတော်တော်လေး အခြေတကျ ဖြစ်လာလို့ ကျွန်မရဲ့ပတ်ဝန်းကျင်ကို သတိထားမိလိုက်တဲ့ အချိန်မှာတော့... အရာတော်တော်များများပြောင်းလဲသွားတယ်ဆိုတာပါပဲ။
တစ်ချို့သူငယ်ချင်တွေ အိမ်ထောင်ကျသွားကြတာ ၊ အိမ်ထောင်ကျပြီးသားသူတွေလည်း ကလေးတွေရနေကြတာ။
ကျွန်မအံ့အားသင့်နေမိတာတော့ ဒီလောက်ကြာအောင် ကျွန်မလောကကြီးနဲ့ အဆက်အသွယ်ပြတ်သွားတာလားဆိုတာပါပဲ။
သူရော....ကျွန်မဆီကိုဖုံးမဆက်တာတော်တော်ကြာပြီပဲ။ ခုမှ သူနဲ့ကျွန်မ အဆက်အသွယ်ပြတ်နေခဲ့တာ တော်တော်ကြာပြီဆိုတာ ပိုပြီးသတိထားမိတယ်။
ဟုတ်တယ် သူကောင်မလေးတစ်ယောက်နဲ့တရားဝင်ရည်းစားဖြစ်သွားပြီဆိုတာပဲ။ ကျွန်မ ရင်တစ်ခုလုံးပေါက်ကွဲ
သွားရလောက်အောင် ကျွန်မအရမ်းစိတ်ထိခိုက်ဝမ်းနည်းမိရပါပြီ...
ဒါမဖြစ်နိုင်ဘူး သူကျွန်မကိုသိပ်ချစ်ခဲ့တာ သူဒီလောက်မြန်မြန်ပြောင်းလဲသွားလိမ့်မယ်လို့ ကျွန်မ မထင်ဘူး။
တကယ်ကို သူ ကျွန်မကိုစိတ်ကုန်သွားတာလား။ ကျွန်မ သူ့ ကို ဥပေက္ခာ ပြုခဲ့တာတော့မဟုတ်။ သူကျွန်မကို အကြိမ်ကြိမ်ဖုံးဆက်ခဲ့တာ။
ကျွန်မ ကိုယ့်ဟာကိုယ်အလုပ်ရူတ်နေလို့ သူ့ဖုံးတွေကိုမကိုင်နိုင်ခဲ့တာ ၊ သူ့ကိုဘုတောပြီး ဖုံးမဆက်ဖို့ပြောခဲ့တာ ၊ နိုင်ငံမတူတော့ ကွဲလွဲတဲ့
အချိန်ကွာခြားမှုကြောင့် သူ့ရဲ့အိပ်ချိန်တွေမှာ ကျွန်မဆီကို ဖုံးဆက်ခဲ့တာမှန်ပါတယ် ကျွန်မအလေးမထားခဲ့တာမဟုတ်ပါဘူး။

ခုလိုဆုံးရှူံးရပြီလို့သိလိုက်ရတဲ့အချိန်မှာတော့
ကျွန်မရဲ့မာနကိုပဲထိခိုက်စေတာလား တကယ်ပဲကြေကွဲနေတာလား ကျွန်မ မခွဲခြားတတ်ပါ။
ဒါပေမယ့်သေချာတာ တစ်ခုကတော့ ကျွန်မသူ့ကိုချစ်ခဲ့တယ်ဆိုတာပဲ။
ခုချိန်ထိလည်းချစ်နေသေးတယ်ဆိုတာပါပဲ။
ဒါပေမယ့် အရင်တုန်းကလည်း သူငယ်ချင်း ခုလည်းသူငယ်ချင်းလေးပါပဲ.....

မှတ်ချက် - ကျွန်မ အကြောင်းရေးသားထားခြင်းမဟုတ်ပါ။ စိတ်ကူးယဉ်ထားခြင်းသာဖြစ်ပါသည်။

စိတ်ကူး

တစ်ခါတစ်လေတော့လည်း လောကကြီးက ကိုယ့်ဘက်မှာရှိမနေပြန်ဘူး။
ဖြစ်ချင်တာတွေကို လုပ်ချင်တိုင်းလုပ်လို့ရမယ်ဆို ရင်ဖြင့်

"လုပ်ချင်တာက" ဒီနေ့တော့ ကျွန်မရဲ့ရုံးက ဘော့စ်ကိုပဲ အရင်ဆုံး စိတ်ရှိလက်ရှိထုနှက်လိုက်ချင်တာပါပဲ။ ဒီလိုခံစားချက်မျိုး လူတိုင်းတစ်ခါတစ်လေတော့ ဖြစ်ဘူးမှာပါပဲလို့ ကျွန်မအကြွင်းမဲ့ယုံပါတယ်။ အားမတန်လို့မာန်လျှော့ရတာ ၊ မတတ်သာလို့ တခြား ထောက်ထားငဲ့ညှာစရာတွေရှိနေတာ ၊ တစ်လတစ်ခါပေးထားတဲ့ လစာလေးရဲ့မျက်နှာ ဒီဝင်ငွေလေးနဲ့ပဲတစ်မိသားစုလုံး ရဲ့ စားဝတ်နေရေးကိုပြေလည်အောင် ဖန်တီးနိုင်နေတာ... "သမီးရယ်မေမေ့တို့တစ်မိသားစုလုံး ရဲ့တာဝန်တွေကိုသမီးတစ်ယောက်ထဲပဲ ယူနေရတာ မေမေစိတ်မကောင်းဘူးကွယ်" မေ့မေ့ရဲ့ဒီစကားသံတွေကိုပြန်ကြား ယောင်မိတိုင်း ကျွန်မရဲ့ဒေါသ မာန တွေကိုအရည်ဖျော်ပစ်လိုက်ရတာ။ အလုပ်မလုပ်နိုင်တော့တဲ့ လူမမာနာတာရှည်ရောဂါသည် အဖေ ၊ အိမ်အလုပ်တွေနဲ့လူမမာအဖေကိုပြု စုရတာ တစ်ဖက်နဲ့မအားလပ်တဲ့အမေ ၊ ကျောင်းမပြီးသေးတဲ့ မောင်လေးနဲ့ညီမလေး ဒါတွေကိုကျွန်မဘယ်လိုလစ်လျှုရှု နိုင်မှာလဲ။

ကျွန်မဖြစ်ချင်တာ နောက်တစ်ခုကတော့ မဖြစ်နိုင်ဘူးလေ.. ဘာအလုပ်မှ မလုပ်ပဲ နေနိုင် စားနိုင် လှူဒါန်းနိုင်တဲ့ပုံမှန်ဝင်ငွေ မျိုးလေးရနေချင်တာပါပဲ။ ဒါဆိုရင်တော့ နေ့တိုင်းရုံးသွားပြီး ဘော့စ်ရဲ့အဆူအဆဲခံ ၊ ရန်ဖြစ် သတ်ဖြတ် နေရတဲ့ အကုသိုလ်များလည်းကင်းပြီး ကျွန်မမိသားစုလေးကိုလည်း ကြည့်ရူစောင့်ရှောက်နိုင်... ဘယ်လောက်များပျော်စရာကောင်းလို က်မလဲနော်..... :-)

နိဒါန်း

Blog တွေရေးကြတယ်ဆိုလို့ ကိုယ်လည်းလေ ရေးကြည့်ရင်ကောင်းမယ်လို့ တွေးမိပြီး အလကားရတဲ့ Blog လေးတစ်ခု လုပ်မိပါတယ်။ တကယ်လည်းလုပ်ရော ဘယ်ကဘယ်လို စ ရေးရမလဲ မသိပါဘူး။ :-)
သူငယ်ချင်းတွေကပြောတယ် ရေးချင်တာသာရေး တဲ့ ...ဘာရေးချင်ပြီး ဘာရေးရမလဲဆိုတာ ရေရေရာရာမသိသေးတော့...ဟဲဟဲ
နောက်များမှာတော့ ရေးချင်တာလေးတွေ စဉ်းစားပြီးရေးပါမယ်လို့ နိဒါန်းလေးချီထားပါရစေနော်...