ကိုယ့်ရွာမှာတော့ကြက်ဖ ၊ သူများရွာမှာတော့ ကြက်မ

တစ်ခါတုံးက အိန္ဒိယနိုင်ငံရဲ့ ပြည်နယ်လေးတစ်ခုမှာရှိတဲ့ တိရိစ္ဆာန်ရုံ တစ်ခုမှာ ခြင်္သေ့တစ်ကောင်ရှိသတဲ့။
အဲဒီခြင်္သေ့ကြီးဟာ တစ်နေ့ကို အသား 1 kg လောက် ပဲစားရလို့ အလွန်အမင်းစိတ်မကျေမနပ်ဖြစ်တယ်တဲ့။
နောက်ပြီးအမြဲတမ်းလဲတွေးနေတယ် ဒီလိုတောမြို့က တိရိစ္ဆာန်ရုံမှာနေရတာကိုလည်း တွေးတွေးပြီးစိတ်မချမ်းသာဖြစ်နေတယ်။
တခြားကောင်းတဲ့နိုင်ငံကြီးတွေကိုလည်းသွားချင်နေလေရဲ့။ အသားများများပိုစားချင်တာကိုး။ ဒီလိုနဲ့တစ်နေ့တော့ သူ့ဆန္ဒတွေပြည့်ဝဖို့ အကြောင်းဖန်လာတယ်။
ဘာလဲဆိုတော့လူနှစ်ယောက်က သူ့ကိုပြောတယ်လေ သူ့ကို အမေရိကန်က တိရစ္ဆာန်ရုံတစ်ခုကိုပို့ချင်တဲ့အကြောင်း။
ခြင်္သေ့ကြီးက အလွန်အလွန့်ကိုပဲ ၀မ်းသာသွားတယ်။ ဒါဟာသူ့အတွက်တကယ့်ကိုအခွင့်အရေးကြီးတစ်ခုပဲ။
နောက်ပြီးစဉ်းစားတယ်...ဟိုရောက်ရင်တော့ တစ်နေ့ကို ဆိတ်တစ်ကောင်စားရမှာလား ဆိတ်နှစ်ကောင်လားဆိုပြီး စိတ်ကူးတွေယဉ်နေလေရဲ့။
အဲလိုနဲ့ သူ့ကို အမေရိကန် ကိုပို့လိုက်ကြတယ်။ ရောက်တဲ့နေ့မှာပဲ သူ့အတွက်ဆိုပြီးတော့ ကောင်လေးတစ်ယောက်ကအစာလာပေးတယ် အိပ်ကြီးတစ်လုံးပါ။
ဒါနဲ့သူကတကိုယ်တည်းပြောတယ်။ ဟာ...တွေ့လား အိပ်ကြီးက အကြီးကြီးပဲ ဆိတ်တစ်ကောင်လောက်တော့ရှိမယ်ပေါ့။
ကမန်းကတန်းအိပ်ကိုဖွင့်ကြည့်လိုက်တော့ သူထင်သလိုမဟုတ်ပဲ အထဲမှာ ငှက်ပျောသီးတွေဖြစ်နေတယ်။ သူစိတ်ထင် သူ့ကိုမှားပြီးလာပေးတယ်ပေါ့။
နောက်တစ်ရက်ရောက်ပြန်တော့လဲ ငှက်ပျောသီးပဲဖြစ်နေတယ်။ သုံးရက်မြောက်နေ့ကျတော့ သူဘယ်လိုမှ စိတ်မထိန်းနိုင်တော့ဘူး.. အရမ်းလည်းဒေါသထွက်နေပြီ။
အဲဒါနဲ့ အစာလာပေးတဲ့ကောင်လေးကိုလှမ်းခေါ်ပြီးတော့ပြောတယ်... သိပ်ကိုဒေါသထွက်နေတော့လေသံမာမာနဲ့ ငါဟာခြင်္သေ့ တောဘုရင်ဖြစ်တယ်။
နေ့တိုင်းငှက်ပျောသီးလာကျွေးနေတာဟာ ငါ့ကိုစနောက်နေသလိုဖြစ်နေတယ်။
ငါဟာ အသားပဲစားတာဆိုတာ သိမှသိရဲ့လား..ဘာလားပေါ့ သိပ်ကိုစိတ်ဆိုးနေတာကိုး။ ဒါနဲ့ကောင်လေးကရိုရိုသေသေလေးနဲ့ပြန်ပြောတယ်။
ဟုတ်ပါတယ် ခြင်္သေ့မင်း...ခြင်္သေ့မင်းဟာတောဘုရင်ဆိုတာလဲသိပါတယ်။ အသားပဲစားတယ်ဆိုတာလည်းသိပါတယ်။
အခုဘာဖြစ်လို့ ခြင်္သေ့မင်းကို ငှက်ပျောသီးကျွေးရလဲဆိုတော့ ခြင်္သေ့မင်း ဒီကိုလာတာဟာ ခြင်္သေ့ ဗီဇာနဲ့လာတာမဟုတ်ပါဘူး...
မျောက်ဗီဇာနဲ့လာရလို့ ငှက်ပျောသီးပဲ ကျွေးရတာပါလို့ယဉ်ကျေးစွာပြန်ပြောပါတယ်။
ပုံပြင်လေးကတော့ဒီလောက်ပါပဲ။ ကျွန်တော်တို့တွေလည်း သူများနိုင်ငံမှာ အလုပ်လာလုပ်ကြတယ် အကြောင်းအမျိုးမျိုးနဲ့လာကြတယ်။
ကိုယ်အိမ်မှာတော့ ကိုယ်ကရှင်ဘုရင်ဖြစ်ကောင်းဖြစ်မှာပါ... သူများဆီမှာတော့ ဘုရင်မဖြစ်နိုင်တာ ၉၉ရာခိုင်နှုံးသေချာပါတယ်။
ဘာဖြစ်မလဲဆိုတာတော့တစ်ယောက်နဲ့တစ်ယောက်မတူနိုင်ပါဘူး။ ကျွန်တော်လည်းမသိပါဘူး.... :-P
မြန်မာစကားပုံမှာလဲ ရှိပါတယ်... လူကြီးတွေပြောတာကြားဖူးတာတော့....
ကိုယ့်ရွာမှာတော့ကြက်ဖ ၊ သူများရွာမှာတော့ ကြက်မ.....မှားရင်လည်းပြင်ပေးကြပါအုံး...:-)