မေမေ့ယတြာတားမရပါ

ကျွန်မတို့ငယ်ငယ်ထဲက မေမေက ဗေဒင်မေးတဲ့အကျင့်ရှိပါတယ်။ တစ်ခုခုလုပ်တော့မယ်ဆိုတိုင်း ဗေဒင်သွားမေး ၊ ယတြာချေ။ တစ်ခါတလေ အရေးကြီးရင်ဗေဒင်ဆရာတစ်ယောက်နဲ့ အားမရသေးဘူး နောက်တစ်ယောက်ဆီထပ်သွား ၊ ထပ်မေး။ အကြားအမြင်ဆိုလည်းသွားလိုက်တာပဲ။ ဒီနေ့ ပြသဒါးနေ့ မို့ဒါမလုပ်ရသေးဘူး။ ရက်ရာဇာကိုရွေးပြီးလုပ်တယ်။ စုံနေတာပဲ။ ဘယ်ချိန်မှာဘာလုပ်ရမယ်ဆိုတာလည်းရှိရဲ့။ ကျွန်မတို့ စားမေးပွဲဖြေမယ်ဆိုလဲ မေမေမှာ ဟိုဟာလုပ်ပေးရ ၊ ဒီဟာအဆောင်ယူခိုင်းရနဲ့ရူတ်နေတာပါပဲ။ အဲဒီလိုကြားထဲမှာ ကြီးပြင်းလာတဲ့ကျွန်မအတွက်တော့တစ်ခါတစ်လေ မေမေ့ကိုတောင်သနားမိပါတယ်။ အဲဒီလောက်ထိလိုက်လုပ်နေဘို့ မလိုပါဘူးမေမေရယ်။ တော်ရုံဆိုတော်ပါတော့လို့ ကျွန်မ မကြာခဏပြောတတ်တယ်။ အဲဒီလိုပြောရင်မေမေ မကြိုက်ချင်ပါ။ သူကစေတနာနဲ့အားလုံးတွက်ကောင်းအောင်လုပ်နေတာဆိုပြီး ဆူပူတတ်ပါတယ်။ အရင်တုံးကဖေဖေလဲပြောပေမယ့် နောက်တော့ဘာမ ကြီးကြီးကျယ်ကျယ်မပြောတော့ပါဘူး။ သိပ်ပြီးတိုက်ဆိုင်လို့ပဲဖြစ်ဖြစ် တစ်ခါတစ်လေ မေမေ့ရဲ့ဗေဒင်က မှန်ရင်တော့ မေမေပြောလို့မဆုံးတော့ပါဘူး။ အဲဒါကြောင့်ပြောတာပေ့ါ။ ယတြာကောင်းရင် မင်းလောင်းဖြစ်တယ်ဆိုတာလေ။ မှားသွားရင်လဲ သူကအလျှော့ပေးတာတော့မဟုတ်။ ယတြာလုပ်တာပဲတစ်ခုခုလိုသွားသလိုမျိုး။ တစ်ခါတစ်လေ မေမေကသူလုပ်ပေးလို့ရတာ လုပ်ပေးပေမယ့် ကျွန်မတို့ကိုယ်တိုင်လုပ်ရမယ် ဆိုရင်လည်းသူက မဖြစ်မနေမရမကကိုလုပ်ခိုင်းတာပါ။ တစ်ခါတစ်လေ စိတ်ညစ်စရာကောင်းပေမယ့် မေမေလည်းစိတ်ချမ်းသာ ၊ ကိုယ်လည်းဘယ်လိုပဲဖြစ်ဖြစ်ဒါလေးလုပ်လိုက်ရလို့ ဘာမှအကျိုးယုတ်သွားတာမဟုတ် ၊ မေမေပြောသလို ကိုယ့်အတွက်ပိုအကျိုးရှိရင်ရှိမှာပါလေဆိုပြီးလိုက်လုပ်ပေးလိုက်တာများပါတယ်။

ဒီလိုနဲ့ကျွန်မ အစ်ကိုကြီး မိန်းမယူမယ်ဆိုတဲ့အချိန်မှာတော့ မေမေဟာ အစ်ကိုယူမယ့်မိန်းမနဲ့နေ့နံကိုက်မကိုက် ၊ အစဉ်ပြေမပြေ ၊ စီးပွါးဖြစ်မဖြစ် ၊ အစုံအစုံ အကုန်လိုက်တွက်ပါတယ်။ သူ့စိတ်ကြိုက် မင်္ဂလာရက်သတ်မှတ် အချိန် နေရာ အကုန်အသေးစိတ်စီစဉ်ပြီး မှမင်္ဂလာဆောင်ပေးခဲ့ပါတယ်။ "မေမေရဲ့ ဗေဒင်ဆရာကဘာတွေထပ်ပြီးညွှန်ကြားအုံးမှာလဲ မေမေ" လို့ အစ်ကိုကြီးက စ နောက်နေခဲ့တယ်။ မေမေကတော့ ဒါကအရေးကြီးတယ်။ သားဘ၀တစ်ခုလုံးနဲ့ဆိုင်တယ်။ အဲဒီတော့မေမေကတော့ တတ်နိုင်လောက်အကုန်လုပ်ရမှာပဲလို့ခပ်သွက်သွက် ပြန်ပြောခဲ့တယ်။ အစ်ကိုကြီးတို့အိမ်ထောင်ရေးဟာ မေမေဘယ်လိုပဲဗေဒင်တွေ ရက်ကောင်းရက်မြတ်တွေရွေးပြီး မင်္ဂလာဆောင်ခဲ့ပေမယ့် ထင်သလောက်အစဉ်မပြေခဲ့ပါဘူး။

အဲဒီလိုနဲ့ကျွန်မအလှည့်မှာတော့ မေမေ့ကိုဖွင့်ပြောတိုင်ပင်ပြီးပြောယုံပဲရှိပါသေးတယ်။ ထုံးစံအတိုင်းမေမေ ဟာ ဗေဒင်တွေမေး ၊ အကြားအမြင်ဆိုတာတွေသွားပြီး အလုပ်ရူတ်နေခဲ့ပါတယ်။ တစ်ရက်တော့မေမေက ကျွန်မကိုဖွင့်ပြောလာပါတယ်။ ကျွန်မ နဲ့ ကျွန်မရဲ့ချစ်သူကို သဘောမတူနိုင်ဘူး။ သဘောမတူနိုင်ဘူးဆိုတာထက် သဘောတူလို့မဖြစ်ဘူး။ သမီးသူ့ကိုယူလို့မဖြစ်ဘူးလို့ပြတ်ပြတ်သားသားပြောလာပါတယ်။ ဒါဟာနောက်စရာမဟုတ်ဘူးလေမေမေ။ ဘာလို့ဒီလိုပြောရတာလဲဆိုတော့ သမီးတို့နှစ်ယောက်ကိုမေမေ သေချာတွက်ကြည့်ပြီးပြီ။ ဘယ်လိုမှမဖြစ်နိုင်ဘူး။ မေမေတကယ်ပြောနေတာလား။ ကျွန်မ မယုံကြည်နိုင်လောက်အောင် မေမေကပြတ်သားနေတာ။ အစ်ကိုကြီးတုန်းကလဲ မေမေသေချာတွက်ခဲ့တာပဲ။ ခုတော့အစဉ်မှမပြေတာ မေမေရယ်။ ဗေဒင်တွေကအကုန်ယုံလို့မှမရတာ။ ကျွန်မပြောသမျှအားလုံးက အချည်းနှီးပါပဲ။ မေမေ့ရဲ့ပြောစကားတွေကိုကျွန်မ ဘယ်လိုမှ မကြားနိုင်လောက်အောင်ပါပဲ။ ကျွန်မတို့နှစ်ယောက်ယူရင် ကျွန်မရဲ့အသက်အန္တရာယ်ကိုစိုးရိမ်ရကြောင်း မေမေကလုံးဝမဖြစ်နိုင်တဲ့ဘက်ကနေပြောပါတယ်။ မိဘကိုမျက်ရည်ကျအောင်လုပ်တဲ့ သား သမီး ဘယ်တော့မှ ကိုယ်လည်းစိတ်ချမ်းသာမှာ မဟုတ်ဘူး ၊ ဘယ်တော့မှကြီးပွားမှာမဟုတ်ဘူး။ နောက်ဆုံးတော့ မေမေ့ရဲ့မိခင်မေတ္တာကို ကျွန်မဘယ်လိုမှ ကျော်ပြီးမသွားနိုင်ပါဘူး။ ကျွန်မအရှုံးပေးလိုက်ပါပြီ။ အစ်ကိုကြီးတို့အိမ်ထောင်ရေး အစဉ်မပြေမှု တစတစနဲ့သူတို့တရားဝင်ကွာရှင်းလိုက်ပါတယ်။ ကျွန်မ မေးချင်လိုက်တာ.... မေမေ့ကိုသူတို့မယူခင်က မေမေ့ရဲ့ဗေဒင်ဆရာတွေက ဒီမိန်းမကိုယူရင် ကွဲကိန်းမြင်တယ်လို့မဟောလိုက်ဘူးလား မေမေရယ်လို့။ ကျွန်မ မမေးရက်ပါဘူး။ စိတ်ညစ်နေတဲ့မေမေ့ကို ကျွန်မ ဘယ်လိုဖြေသိမ့်ရမလဲပဲစိတ်ကူးခဲ့ပါတယ်။ အဲဒီနောက်ပိုင်း မေမေ ဗေဒင်သွားမေးတဲ့အလုပ်ကိုသိပ်မလုပ်တော့ပါဘူး။ မေမေလည်းပင်ပန်းနေပြီပေါ့။ မေမေဟာဗေဒင်မေး ယတြာချေတာထက် ခုတော့ တရားရိပ်သာဝင် ၊ ဥပုသ်သီလစောင့် ၊ အိမ်မှာလည်း တရားထိုင် ၊ ပုတီးစိပ်အလုပ်တွေပဲလုပ်ပါတော့တယ်။

အခုတော့ ကျွန်မ မေမေ့စိတ်တိုင်းကျတဲ့ အိမ်ထောင်တစ်ခုကို ကျွန်မထူထောင်ခဲ့ပါပြီ။ ကျွန်မ သားဦးလေးကိုတောင်ကျွန်မ မွေးဖွားရတော့မှာပါ။ ကျွန်မရဲ့သားလေးက ဗိုက်ထဲမှာ အနေအထားသိပ်မမှန်တာကတစ်ကြောင်း ၊ ကျွန်မအသက်အရွယ်အရပါ ဆရာဝန်က ကျွန်မကိုခွဲမွေးမှ သင့်တော်မယ်လို့အကြံပေးပါတယ်။ အဲဒါကိုမေမေ့ကိုပြောတော့ မေမေက "သမီးက သားလေးကိုခွဲမွေးမှာဆိုတော့ ဘယ်နေ့မှာမွေးရင်ကောင်းမလဲဆိုတာရွေးရမှာပေါ့တဲ့။ သူများတွေလည်းနေ့ကောင်းရက်သာရွေးပြီးခွဲမွေးကြတာ။ ဘယ်နေ့ကောင်းလဲတွက်ကြည့်ရမယ်လို့ပြောပါတယ်" ကျွန်မလည်း ဆရာဝန်နဲ့တိုင်ပင်ပြီး ဘယ်နေ့နောက်ဆုံးထားပြီးမွေးရမလဲ ဘယ်ရက်လောက်ဆိုသင့်တော်မလဲဆိုတာတွေ မေးပြီးတော့ မေမေ့ကိုပြန်ပြောရပါတယ်။ မေမေကထုံးစံအတိုင်း ဘာနေ့သား ၊ ဘယ်ရက် ၊ ဘယ်အချိန် ကောင်းမယ် ဆိုတာကအစ ၊ ဘယ်လိုနံမည်ပေးမယ်ဆိုတာအဆုံး အကုန်လုံး လိုက်ပြီးတွက်ပါတယ်။ ကံကောင်းချင်တော့ ဆရာဝန်ကလည်းမေမေပြောတဲ့ရက်နဲ့ အချိန် (မနက်စောစော) ကို မွေးပေးနိုင်တယ်လို့ပြောပါတယ်။ မေမေကတော့ အတော်ကိုဝမ်းသာနေပါတယ်။ မွေးမယ့်ရက်ကိုပဲလက်ချိုးပြီးစောင့်နေတယ်။ ဆေးရုံတက်ဖို့လိုအပ်တဲ့အသုံးအဆောင် ၊ ကလေးအတွက်လိုအပ်ရာရာ... အားလုံးပြည့်စုံအောင်စီမံပြုလုပ်ပါတယ်။ မေမေမွေးစေချင်တဲ့ရက်မရောက်ခင် နှစ်ရက်အလိုမှာတော့ ကျွန်မဗိုက်နာလာပါတယ်။ ချက်ချင်းပဲ ဆရာဝန်ဆီဖုံးဆက်တော့ ဆရာဝန်က ဆေးရုံကိုချက်ချင်းလာဖို့ပြောပါတယ်။ ဆေးရုံရောက်တာနဲ့ ကျွန်မလည်းခွဲခန်းထဲတန်းဝင်ရပါတယ်။ မေမေရဲ့မြေးလေးက မေမေတွက်ထားတဲ့ရက်ထက် နှစ်ရက်တိတိစောပြီးလူ့ပြည်ကိုရောက်လာပါတယ်။ မေမေမွေးစေချင်တဲ့မနက်စောစောမှာတော့ မွေးခဲ့ပါတယ်။ ကျွန်မကတော့ ဘယ်လိုပဲဖြစ်ဖြစ်ဘယ်နေ့မှာပဲ မွေးမွေး ချစ်မှာပါပဲ။ မေမေလည်းသူ့ရဲ့မြေးဦးလေးကို ကြည့်မ၀ ၊ ရှုမ၀ အရမ်းကိုချစ်နေတာပါ။ ဒီတစ်ခါတော့ ဖေဖေကပြောပါတယ် လူတိုင်းမှာမွေးထဲက ကိုယ့်ကံကြမာနဲ့ကိုယ်ရှိကြပြီးသားလေ။ အဲဒါကိုဟိုနေ့မှ မွေးမယ် ဒီနေ့ကောင်းတယ်ဆိုပြီး တားထားလို့မရပါဘူး။ သူ့ကံအတိုင်း သူ့ဘာသာဖြစ်လာတာပဲ။ ဘာနဲ့မှတားဆီးလို့မရသလို အတင်းလုပ်ယူလို့လဲမရပါဘူး။ အခုငါ့မြေးလေးကသူ့အဖွားကို သင်ခန်းစာပေးလိုက်ပြီဟေ့... ဆိုပြီးရီနေပါတယ်။ မေမေ ဘာမှပြန်မပြောပါ...ဖေဖေ့ကို တချက်မျက်စောင်းလှမ်းထိုးပြီး မေမေလဲလိုက်ရီနေပါတယ်....